‘நான் கிருஷ்ணா தேவராயன்’ ஒலிப்புத்தகம் வெளியீடு....

அன்புடையீர்

நாளை ... (9^th APRIL 2017)                   ‘நான் கிருஷ்ணா தேவராயன்’ ஒலிப்புத்தகம் வெளியீடு....

இடம் :TT Krishnamachari Rd, CIT Colony, Mylapore, Chennai, Tamil Nadu 600004

https://www.google.co.in/maps/place/TAG+Centre/@13.0422612,80.259558,15z/data=!4m5!3m4!1s0x0:0x95f0b4a532809d1a!8m2!3d13.0422612!4d80.259558

அவசியம்  வாருங்களேன்...  அழைப்பிதழ் கீழே உள்ளது...

‘நான் கிருஷ்ணா தேவராயன்’ ஒலிப்புத்தகம் ஒரு நல்ல உணர்வு பயணம்

காதல்...ஏக்கம்.  தனிமை... தவிப்பு... .. இயலாமை.என காதலில் அவரோடு நாமும் தவிப்போம் .....

சரித்திரம் குறித்தும்... அன்றைய....  சம்பிரதாயங்கள் குறித்தும்..  அறியும் போது... வியப்பாக   இருக்கும்...

இதை கேளுங்களேன் ....

அன்றைய துளுவ வம்சத்து சக்கரவர்த்திகள்... அரண் மனைக்குள் நடக்க மாட்டார்களாம்.. !!!!!

அப்புறம் எப்படி என்றால்....  அவருக்கு உலவ வேண்டும் என்றால். கையை தட்ட வேண்டுமாம்...அழகிய இளம்.. பெண் வந்து... திரும்பி நின்று... குந்தி அமருவாளாம்...  ராசா  ஏறி அமர்ந்ததும் உப்பு மூட்டை சுமந்த படி.. செல்ல வேண்டுமாம்...  ... எப்படி இருக்கிறது கதை..

சென்ற மாதத்தில், ஒரு நாள், நண்பர் பம்பாய் கண்ணன் தொலைபேசியில் அழைத்தார்.

லாரன்ஸ்... ஒரு சின்ன வேலை.. அந்த, ஆடியோ .. புக்  ‘நான் கிருஷ்ணா தேவராயன்’ ….. அதில ஒரு இடம்  உங்க . உச்சரிப்பு சரி. இல்ல... டைம் கிடைக்கும் போது போய் பண்ணிடுங்க  நாராயணனுக்கு தெரியும் என்றார்...

நான்  எதிராஜாவா  நடித்துள்ளேன்.... ஓக்கே டன் சார்... என்றேன்....

இரண்டொரு நாளில், ஸ்டுடியோ .. சென்று நாராயணனை பார்த்தேன்.. 

ஆசார அனுஷ்டானங்கள்... அதில் ஆசார என்பதை... ஆ... ஷ்...  ஷ் ஷா ரா... என்பது போல் செய்திருந்தேன்.. அதன் சரியான உச்சரிப்பு  ஆசாரம் தான்..

இரண்டு வார்த்தைகள் தான், மிக எளிதான கரெக்க்க்ஷன்   ... தான்.. ஆனாலும் சட்டென எனக்கு பதறியது...

காரணம்...

இந்த ஒலிப்பதிவு  செய்தது சில மாதங்களுக்கு முன்னால் ... அப்போது எனக்கு நல்ல மூக்கடைப்பு. ... ஆனால் இன்றோ எல்லாம் திறந்து இருக்கிறது.... எப்படி சமாளிப்பது... ஜம்ப் தெரிந்து விடுமே...

நாராயணனிடம்.. தலைவா.. ஒருஹெல்ப்... கொஞ்ச்ம லாங் கியூ.... கொடுங்க.. என சொல்லி.. ஹெட் போனை மாட்டி... கண்ணை மூடி. கொண்டேன்..

ஓவொரு வார்த்தையிலும் அணுக்ககத்திலும் ஒலியிலும் கவனம் செலுத்தினேன்... அதே அணுக்கத்தோடு, இந்த இரு வார்த்தைகளையும் சட்டென சொல்லி முடித்தேன்.... ஹாப்பி..... அப்பாடா தப்பித்தேன்….

எத்தனையோ.... நேர மெனக்கெடல்களும்.. சிரமங்களும் சுமந்து வரும் இது போன்ற  கலை படைப்புக்கள்.. மனதுக்கு தரும் இதம் இருக்கிறதே...

நாளை.. பாருங்களேன் .. 

பேராசிரியர்... மற்றும் என் ரசிகர்.. திவாகர்... வந்து... என் .. கையை பிடித்து... பேசுவார்... 

ஹாங் லாரன்ஸ்...  இதையும் கேட்டுட்டு.... போன் பண்றேன்.. என்பார்.. 

நான்.. கண் கசிந்து.. அவரது.. பார்க்காத விழிகளை பார்த்து கொண்டே நிற்பேன்.. அவர் மட்டும் முகம் மலர்ந்து.. பற்கள்.. தெரிய பேசுவார்...  

என்ன செய்ய முடியும் அவரது அன்புக்கு முன்னால்….. 

https://www.facebook.com/photo.php?fbid=700671110058094&set=a.171304329661444.16351.100003456350992&type=3&theater 

வித்தையடி நானுனக்கு (திரை விமர்சனம்)

படம் எப்படி இருக்கு… ? 

என நீங்கள் கேட்டால், ஒற்றை வார்த்தையில் சொல்லணும்ன்னா…

In-Thing…  என்று சொல்வார்களே அது போல… In-Movie என சொல்லலாம்…

ஆமாம்…. In-Thing…  

Intense

Interesting

இன்றைய காலத்திற்க்கேற்ப உளவியல் சார்ந்த திரில்லர்.

சரி கதை என்ன…..

ஒரு இளம் பெண்… வாழ்க்கையின் ஸ்டார்ட்டிங் பாயிண்டிங்கில் இருக்கிறாள். உலகம் புரியாத அல்லது புடிபடாத வயசு… உலகம் பற்றியும் உறவு பற்றியும்… ஏன் தன்னைப்பற்றியுமே அறியாத பெண்…

அவள் வாழ்க்கையில் ஒரு சவாலான சந்தர்ப்பத்தில், தன் பலவீனத்தை உணர்கிறாள்.. குடும்பமும் சமூகமும் தன்னிடம் இருந்து எதிர்பார்க்கும் ஒன்றை தன்னால் தர முடியாது என உணர்கிறாள்… குருவி தலையில் பனம் பழம்…

தன்னால் இனி முன் செல்வது எப்படி என மலைத்து…, தவித்து.. இனி என்ன செய்வது என அறியாமல்…  நிற்கும் வேளையில் அவள் காரும் நிற்கிறது…. அந்த ஆள் அரவம் இல்லா, மலையில், ஒருவனை சந்திக்கிறாள்…

அவன்… ஆல் மோஸ்ட் வாழ்வின் அத்தனை பரிமாணங்களையும் பார்த்து, வாழ்ந்து, அனுபவித்து… இப்போது தனிமை விரும்பி, இந்த உலகில் இருந்தே ஒதுங்கி வாழ்பவன்….

இவர்கள் இடையில் இருக்கும் சில உரசல்கள் விரிசல்கள்…… சில தினங்கள்.. சில தருணங்கள்… எப்படி அவள் வாழ்க்கையை மாற்றுகிறது எனும் சுவையான ஓட்டம் தான் கதை…   

ஆரம்ப காட்சியிலேயே அந்த இண்டென்ஸ் தொடங்கி விடுகிறது… கோபமும் இயலாமையும் மேலிட… ம்மா… இதுக்கு மேல ஏதாவது பேசினா தூக்க மாத்திரை வைச்சிருக்கேன்… போட்டுருவேன்.. என்ன விடு.. என ஃபோனை துண்டிக்கும் போது நம்மையுமறிமால் அந்த கதா நாயகியோடும்.. காட்சிகளோடும் நாம் இணைந்து விடுகிறோம்…

திரைப்படம் ஆரம்பித்ததும்.. மங்கலான விளக்குகள் வண்ணத்தில் மிளிர, ஒரு இளம் பெண் பதறி பதறி செல்ல… திரை… சட்டென.. நிறம் மாறி கருப்பு வெள்ளையாகும் தருணத்தில் போட வைக்கும்……. அட….!!!! படம் முழுக்க விரவி இருக்கிறது… ஒரு தேர்ந்த டெக்னிக்கல் டீம் இப்படத்தின் பின்னால் செய்திருக்கும் வேலை… பளிச்சென தெரிய துவங்குகிறது.

அதிலும்… கருப்பு வெள்ளையில்… காலை விடிகிறது… திரையின் மொத்தமும் கருப்பு வெள்ளையில் இருக்க…. ஒரே ஒரு பொருள்.. அதாவது அந்த அலார்ம் மட்டும்.. நீல நிறத்தில் பளிச்சிடுகிறது… 

அது போல்.. நாயகி ஓடிச் சென்று… 

காரை ஸ்டார்ட் செய்யும் போது.. தொங்கும் பொம்மையின் ஒற்றை வண்ணம் மட்டும் சிவப்பு நிறத்தில் பளிரீடுகிறது… இந்த வண்ண மாற்றம் ஒரு சில நொடிகள் தான்.. பின் எல்லாம் இயல்பாய் கருப்பு வெள்ளையில் வருகிறது… 

இயக்குனர்….. வண்ணத்தை உபயோகப்படுத்தி காட்சியின் உணர்வை… கலரில் சொல்லி… கோடி காட்டும் புத்திசாலித்தனம் என நுணுக்கமான வித்தைகள் நிரம்பி கிடக்கிறது இந்த வித்தையடி நானுனக்கு திரைப்படத்தில்…

ஒளிப்பதிவு அற்புதம்… இத்திரைப்படத்தின் ஆன்மா ஃபோட்டாகிராபி என்றால் மிகையில்லை. கருப்பு வெள்ளை காட்சியமைப்பில்… கேமரா கோணங்கள் கொண்டே .. திகில் ஏற்படுத்தும்.. அற்புதமான ஒளிப்பதிவை தந்திருக்கிறார் அறிமுக கேமராமேன்.. காட்சிக்கு தேவையானதை மட்டும் தந்து, அவசியமில்லாமல்… எதையும் திணிக்காத நேர்த்தியான ஃபோட்டோகிராபி… அற்புத கேமரா கோணங்களும், அளவான லைட்டிங்கும் என ராஜாங்கம் நடத்தியிருக்கிறார்… ஆனால் அவர் இறந்து விட்டார் என்றும்… இதுதான் அவர் முதல்.. மற்றும் கடைசி படம் என தெரிய வரும்போது.. தமிழ்த்திரையுலகம் ஒரு அற்புத கலைஞனை இழந்து விட்டதாகவே தோன்றுகிறது…

இப்படத்தின் நாயகி.. ஒரு நல்ல கண்டுபிடிப்பு…

இப்படித்தான் பொண்ணுங்கள மடக்குவீங்களா… என வெள்ளந்தியாக சிரிக்கும் போதாகட்டும், மாடிப்படியில் இறங்கி வந்து மூக்கில் கண்ணீர் வழிய உருகும் காட்சியிலாகட்டும் புதுமுக நாயகி சவுரா சயித்… சபாஷ் போட வைக்கிறார்.

உருவத்திலும் பார்வையிலும் கொடூரம், ஆனால் பரிமாற்றத்தில் பாந்தம், பாலிஷ்ட் என தன் கதாபாத்திரத்தை முழுதும் உள்வாங்கி, நிறைவான நடிப்பை ராம் நாதன் பகவதி வழங்கியிருக்கிறார்…

திரைக்கதையும் வசனங்களும் ஆழமாகவும்,  ஷார்ப்பாகவும் தெறிக்கிறது…

காலை எழுந்து பார்க்கும் போது… முந்தின இரவில் உடுத்தியிருந்த, அவள் உடை மாறியிருக்க.. அது பற்றி வினவும் போது…

“என்னை பாத்தீங்களா”

“ம்…. இப்ப கூட பாத்துக்கிட்டு தான இருக்கேன்…”

“ஹூகும்.. அதில்ல… யூ நோ.. வாட் ஐ மீன்”

“ஹாங்… அது நிறைய பாத்தாச்சு… அதிலெல்லாம் ஒண்ணுமே இல்ல”

என்பன போன்ற பல இடங்கள் சபாஷ் போட வைக்கிறது…

காட்சியமைப்பிலும் கூட சில சிந்தனைகள்… அட போட வைக்கிறது…

ம்…கம்மான்.. மொட்ட மாடியில பண்ணினீங்களே… அத இப்ப செய்யுங்க… என அழைக்கும் பெண்னை… சிரித்தபடி… இப்பத்தான் நல்லாயிருக்க என மெலிதாய் விலக்கி விட்டு செல்லும் ஸ்டைல் என சில காட்சிகள் நேர்த்தியாய் வடிவமைக்கப்பட்டிருக்கிறது…

இப்படத்தின் இண்டென்ஸ்… இதுதான் இப்படத்தின் பலம்… ஆனால் அது சில இடங்களில் பலவீனமாகவும் தெரிகிறது… இன்னும் கொஞ்சம் இலகுவாக இருந்திருக்கலாமோ என சில இடங்களில் தோன்றுகிறது….    

கை விலங்கு காட்டும் போதும் சரி, உச்சகட்ட காட்சியில் இருவர் மோதும் இடங்களிலும்.. பிண்ணனி இசை.. காட்சிக்கு திரில் சேர்க்கிறது… பாரதி பாட்டும் ,அந்த கொஞ்ச நேரமே வரும் பாப் பாடலும்.. இசையமைப்பாளர் விவேக் நாராயணனுக்கு சிறந்த எதிர்காலம் இருப்பதை சொல்கிறது.   

இப்படி இருந்திருக்கலாமோ… அல்லது இப்படி செய்திருக்கலாமோ என சில இடங்களில் தோன்றாமல் இல்லை.. என்றாலும்… புத்தம் புதிய குழுவின் திட்டமிட்ட இந்த உழைப்பை பாராட்டியே ஆக வேண்டும்..

ஆல் த பெஸ்ட் … 

அடுத்த படைப்பில்.. இன்னும் ஒரு படி மேல் சென்று… அட்டகாசமான திரைப்படம் தர வேண்டிக் கொண்டு.. ஒரு தரமான நல்ல திரைப்படத்தை தந்ததற்க்கு ஒரு பூங்கொத்து கொடுக்கலாம்…

நண்பனுக்கு ஒரு கடிதம்...

அன்பு சகா,

சௌக்கியமா…

புதிய யுகம் தொலைக்காட்சியில் உங்க இண்டர்வியூ பாத்தேன்…

நீங்க பேசுன டாபிக் சூப்பர்…. கப்புன்னு ஒரு சொட்டு கண்ணீர் வந்துச்சு…

அதற்கான காரணம்… திரையில் உங்களை பார்த்ததும் வந்த பெருமை…. உங்களுக்கு கிடைத்த அங்கீகாரத்துக்கான பூரிப்பு… நிறைவு… இனிமை…

இன்னும்.. இன்னும் சாதிக்க வாழ்த்துக்கள்…

சட்டென மனம் பழைய நினைவுகளை நோக்கி செல்கிறது… இருபது வருடங்களுக்கு முன்னால், கை கோர்த்து நாம் நடந்த தினங்கள் நினைவுக்கு வருகிறது.

ஆல்பர்ட் தியேட்டரின் நீண்ட படிக்கட்டுகளில், நிழலில் நாம் … சூரியனுக்கு பயந்து மதிய வேளையில் தஞ்சம் கொண்டிருக்கிறோம்.. நம்மை சுற்றிலும் கச கச ஜனங்கள், அவர்கள் மாட்னி ஷோவுக்கு டிக்கெட் புக் செய்து விட்டு, சினிமா பார்க்கும் ஆவலில் இருக்கிறார்கள்… உரத்த குரலும் சிரிப்பும், வேர்வையின் அதீத மணமுமாக அமர்க்களமான அட்மாஸ்பியர்….

நாம் இருவர் மட்டும் வேறு உலகில் இருக்கிறோம்.. என் அலுவலக பையில் இருந்து ஒரு புத்தகம் வெளியில் எடுக்கிறேன்… சில்வா மைண்ட் கண்ட்ரோல்.. பத்து தினங்களுக்கு முன், ஸ்பென்ஸர் ப்ளாசா வாசலில் 25 ரூபாய் கொடுத்து வாங்கியது….

சஹா… மனுச மூளை ஃப்ரிக்குவென்ஸி… மூணு பேண்டா பிரிக்கலாமாம்.. இந்த ஆல்ஃபா பிரிக்குவென்ஸி போய்ட்டா…  நிறைய செய்யலாமாம்… ம்… அத எப்படி போகணுன்னு இங்க வருது பாருங்க…. அப்புறம்… கிளாஸ் ஆப் வாட்டர்ன்னு ஒரு சொல்யூஷன்… மெண்டல் ஸ்கிரின்னு இன்னொரு சொல்யூஷன்… எல்லா பிரச்சனைக்கும் ஒவ்வொரு மாதிரி செய்யணுமாம்… என சொல்லி, அந்த புத்தகத்தை உங்கள் கையில் நான் கொடுக்கிறேன்…

ஹிப்னாசிஸம் பற்றிய தகவல் நீங்கள் சொல்ல, நான் ஆவலாய் அதனுள் மூழ்குகிறேன்… 

நீங்கள் தொடருகிறீர்கள்.. பாஸ்.. மேஜிக் ஷோ ஒண்ணு ப்ளான் பண்றேன், தூர்தர்ஷன்ல வாய்ப்பு வரும்ன்னு தோணுது… என நீங்கள் சொல்ல…

சூப்பர், சஹா… ஆல் த பெஸ்ட்… ம்.. நான் கூட வேற முயற்சிக்கிறேன்… ஆல் இந்தியா ரேடியோவில, ஒரு சினிமா விமர்சனம் பண்ணினேன்… அடுத்து டிராமாவுக்கும் டிரை பண்றேன்… என நான் தொடர்கிறேன்…

அலுவலகத்தில் நாம் பணி புரிந்தாலும், நம் இரண்டாம் குதிரையாக கலைத்துறையில் முயற்சி செய்கிறோம்… அடங்காத ஆவலுடன், ஆன்மீகம் குறித்து உரையாடுவோம்… இப்படி நிறைய நமக்குள் ஒற்றுமைகள்… உங்கள் ஆளுமையில் நான் என்னையே அடையாளம் காண்பேன்… அதனாலேயோ என்னவோ உங்களுடன் பேசுவது என்றுமே பிடித்து இருந்தது.

ஏனெனில் ஆக்கபூர்வமாய், ஆர்க்குயூமெண்டே இல்லாமல்.. எளிதாக தகவல் பரிமாற்றம் மட்டுமே நடக்கும்…

நம் இருவருக்கும், கலையில் ஆர்வமும், வாழ்க்கையில் முனைப்பும் இருக்கிறது.. அதே போல் இன்னொரு விஷயத்தில் நாம் ஒரே பாதையில் பயணித்தோம்..

ஆம்… நம் கலை ஆர்வம், சமூக மாற்றத்துக்கும் / சக மனித நேயத்துக்கும் முக்கியத்துவம் தந்தே முன்னேறியது……

உங்கள் தொலைக்காட்சி பேட்டி பார்த்ததும், அந்த அமைதியும், சிரிப்பும் என்னை வெகுவாக கவர்ந்தது. நீங்கள் உரையாடிய கருத்துக்கள் சில நல்ல சிந்தனைகளை விதைத்தது…

என்னுள் சில நல்ல கேள்விகள் மலர்ந்து, அதற்க்கான விடை தேடும் முயற்சியில் நான் இறங்கினேன்… அதனால் மகிழ்கிறேன்…

இந்த பேட்டி, நிறைய பேருக்கு உதவட்டும், உங்களால் ஒரு ஆக்கபூர்வமான மாற்றம் தரும் அற்புதம் நிகழட்டும் என விரும்புகிறேன்…

நிற்க, இன்று தாங்கள் பேசியவற்றில் என்னை கவர்ந்த சிலவற்றை இங்கே மீண்டும் எழுதி… என் நினைவுகளை புதுப்பித்து கொள்கிறேன்…

1.  

• ”எந்த பிரச்ச்னைக்கும்.. அந்த பிரச்ச்னைக்கு உள்ள இருந்தா சொல்யூஷன் வராது…”

வாவ்… வலிமையான வாதம்… மிக மிக ஆழமான கருத்து… ஒற்றை வரியில் வாசித்து விட்டு சென்றால் பலனில்லை…இதை அமைதியாய் அசை போட்டு, இதன் வேர் வரை சென்றால்… அல்லது இதை சரிவர புரிந்து கொண்டால், மிகப்பெரிய நன்மை… 

உதாரணத்துக்கு சில கேள்விகள்…

நான் எங்கிருந்து இயங்குகிறேன்… என் சிந்தனை எது, என் சிந்தனை எது சார்ந்து இயங்குகிறது… என் நிலைப்பாடு எதனால் ஏற்படுகிறது, என் இலக்கு எது… எதை நோக்கி நான் பயணிக்க வேண்டும்… இப்படி இப்படி….

• 2.   பிரச்சனைய தீர்க்க… ஒன்றல்ல பல வழிமுறைகள்… அவற்றின் முக்கிய வகைகளாக நீங்கள் குறிப்பிட்டது.. உடன் தீர்க்க வேண்டியது… விட்டு புடி கேட்டகரி… .. விட்டுட்டு ஓடு எனும் ஆப்ஷன்…
• 
  
• 3.   ஆர்க்குமெண்ட  அவாய்ட் பண்ணலாம்..

ஹா..ஹா… சஹா… ஏதோ பேசும் போது இண்டர்வியூல ஒரு இடத்துல.. போற போக்குல சொல்லிட்டு போனீங்க…  நல்லா இருந்துச்சு… 

டக்குன்னு நார்மன் லீவிஸ் சொன்னது ஞாபகத்துக்கு வந்துச்சு… வாக்குவாதத்தில் வெல்ல முடியாது, ஆனால் வெறுப்பை மட்டுமே சம்பாதிக்கலாம்… You can never win an argument but can earn Hatred..

• 4.   ஃப்ரேக்.. எடுத்துக்கோங்க… லைஃப் ரொட்டினா போயிக்கிட்டுருக்கும்.. சரி போகுதேன்னு அது போக்குல போகாம… கொஞ்சம் நிறுத்தி… செல்ஃப் இண்ட்ராஸ்பெக்‌ஷன் பண்ணுங்க…

வாவ்.. நல்லா இருக்கு சஹா…

• 5.   செல்ஃப் இண்ட்ராஸ்பெக்‌ஷன்.. பண்ணுங்க… எனக்கு ஏன் கோபம் வருது.. ஏன் துக்கம் வருது… ஏன் கவலை வருது.. ஏன் காமம் வருது…

சூப்பர்… சூப்பர்… நம்ம ஒவ்வொருத்தரும்.. இந்த கேள்விகள் கேட்டு இந்த கேள்விக்கான விடை மட்டும் கண்டு கொண்டால்… ஆஹா..ஆஹஹா… சுகமோ சுகம்

• 6.   ஒரு வேல செய்யுங்களேன்… ஒரு பேப்பர் எடுத்து, பேப்பர்ல பத்து நிமிசம் என்ன நினைச்சீங்களோ அத எழுதிப் பாருங்க… யாருகிட்டயும் காமிக்க வேண்டாம், நீங்களே பாருங்க.. உங்க மனசு எவ்வளவு பெரிய பொலிட்டிஷியன்னு… புரியும்… ஹூ்ம்…. Prime ordeal politician நம்ம மனசு தான்…

ஹா… ஹா…. பிரமாதம்… பிரமாதம்..

ரொம்ப சந்தோஷம்… வாழ்த்துக்கள்….

மன நிறைவுடன்

லாரன்ஸ்… 

வித்தையடி நானுனக்கு பிரிவ்யூ காட்சி.....

வித்தையடி நானுனக்கு பிரிவ்யூ காட்சி: திரையில் ஓடும் திரைப்படத்தில் என்னை தொலைத்து இருந்தேன்... அப்பப்ப சில சிந்தனைகள். 

படைப்பாளிக்கே இருக்கக் கூடிய ஒரு அசௌகரியம்...  நடிப்பு ஏன் இப்படி இருக்கக் கூடாது - இங்கு வசனம் இப்படி இருக்கலாமோ - இங்கு லைட்டிங்க் இப்படி இருக்கலாமே.. இப்படியெல்லாம் தோன்றும்...

ஆனால் - அதில் ஒரு பிரச்சனை...

அந்த எண்ணங்களில் - ஐடியாக்களில் முழுமை இல்லை. அவை அக்கதை சார்ந்தே இருக்கின்றன. தொக்கு தொக்காய் ஒரு சிறு உறுகாய் போல - ஊறுகாய் மட்டும் வைத்துக் கொண்டு ஊரைக் கூட்டி விருந்து கொடுக்க முடியுமா... 

அதுபோல - ஒரு காட்சியில் வசனம் இப்படி இருக்கலாமோ என நினைத்து இருந்தேன்... எதுக்கும் இருக்கட்டும் என எழுதியும் விட்டேன்... எனக்கான நினைவுக் குறிப்பாய் இங்கு வைக்கிறேன்...

மித்ரா	தயா… தயா….. (தேடி…. தேடி… நடந்து வந்தபடி….)
	இங்க இருக்கீங்களா… (கிடார்… மற்றும் கிளாஸூடன்… தயா)
	ஹாங்… அது சரி.. சுருதி ஏத்திகிட்டிருக்கீங்களா….
தயா	ஹா..ஹா.. (மெல்லிய நகைப்பில்) கிட்டாரா சொல்றீயா… இல்ல இதையா (கையில் டிரிங்க்ஸ் கிளாஸைக் காண்பிக்கிறார்)
மித்ரா	ம்…. (சுவரில்… சரிந்து… சாய்ந்தபடி….) ரெண்டுமே தான்…
தயா	(ஒரு மிடறு குடித்து… லேசாய்…கண்ணை… சுருக்கி)…………. இந்த பொண்ணுங்களே இப்படித்தான்…. எந்த வார்த்தைக்கும்… ஒண்ணுக்கு மேல மீனிங்க் இருக்குமே…
மித்ரா	(அங்கீகரிக்கும்… ஒரு புன்னைகை…. அவன் சொன்னதை… லேசாய் ஒத்துக் கொண்டது போல்.. ரசித்தபடி…. சட்டென தலையை திருப்பி)……….. தயா…. Tell me something…. Hum…. But an honest answer…
தயா	Ok
மித்ரா	ஆம்பிளைங்களுக்கு…. ம்… What do you think of woman…
தயா	ம்… (சற்று யோசித்தபடி)…………. இது தான்… (கையில் இருக்கும் டிரிங் கிளாசை காட்டியபடி) …. கிக்…
மித்ரா	ஓ… Just an Evening Affair……. ங்கிறீங்களா…
தயா	நோ.. நோ… men and women should be together… ங்கிறேன்… You see.. women is like a wine and men are like Cups…
மித்ரா	ஓ… இது புதுசா இருக்கே….
தயா	லுக்… இந்த கப் இல்லேன்னா… டிரிங்க் எப்படி இருக்கும்… நிக்க முடியும்…  இல்லை… அதே மாதிரி… Look at the other side…………….. டிரிங் இல்லேன்னா… கப்புக்கு வேலுயுவும் இல்ல… (கையில் இருக்கும் கோப்பையை ஒரு மூச்சில் குடித்து விட்டு… ) தட்ஸ் இட்… (அங்கும் இங்கும் அசைத்து… இல்லை என்பதைப் போல் காட்டுகிறான்)
மித்ரா	ஓ… Male chavunism…. ஒரு கூட்டுக்குள்ள போட்டு அடைக்கணும்ன்னு  நினைக்கிறது தான்… மென்ஸ் ஐடியா…. இல்லையா…
தயா	ம்… அப்படி ஏன் நினைக்கணும்…. மேல ஓப்பனா தான இருக்குது… சைடுல இருக்கிற அமைப்பை நீங்க அடைப்புன்னு நினைக்கிறது தான் கோளாறே….  Men give space…. Men wants to ensure security…  தட்ஸ்.. இட்… ஆனா நீங்க… எந்த கட்டுப்பாட்டையும் வெறுக்குறீங்க… The solution is…. Look up…
மித்ரா	ஓ… இண்ட்ரஸ்டிங்…. க்ளாசுல மேல ஓப்பனாத்தான் இருக்குது….
தயா	ம்… MALE… கூட ஓப்பனாத்தான் இருக்குறோம்…. We are OPEN… we like to be OPEN… We like to See OPEN….
மித்ரா	தயா.. யூ ஆர் அ ஜீனியஸ்.. Woman are wine… and men are cups…  நல்ல தாட்…
தயா	ம்…. Not entirely……….. இது எட்டையபுரத்து முண்டாசுக்கவியோட தாட் தான்…
மித்ரா	யாரு
தயா	பாரதி… The great poet of our times….. அவர்…. மென் வீமன் ரிலேஷன் பத்தின ஒரு வொண்டர் ஃபுல் சாங்.. கேக்குறீயா… சிட் டவுண்….  ( பாடல் துவங்குகிறது… பாயுமொழி நீயெனக்கு)

சொம்பு வெட்டியான் தெரு…

குடும்ப சொத்து பங்கிடுதல்….

வில்லங்கமான - விவகாரமான இந்த விஷயம் தான். குடும்பங்களின் அன்பையும், அனுசரணையையும் பாதிக்கிறது - இன்றைய குடும்பங்கள்  இந்த குடும்ப சொத்து பங்கிடுதல்…. குறித்து சிந்திக்க இக்குறிப்புகள் உதவும் என நம்பி,  இவைகள் சரியான விதத்தில் புரிந்து கொள்ளப்பட வேண்டும் என ஆசைப்பட்டும் இங்கு பதிவிடுகிறேன்.

இப்பதிவை வாசிக்கும் முன், ஒரே ஒரு கணம் குழந்தைப் பருவத்தை நினைத்துப் பார்க்க வேண்டுகிறேன். ஒரு தட்டில் உண்டு, ஒரு முலையில் பால் குடித்து, ஒரு வீட்டில் தங்கி, ஒரு குடும்பமாய் வாழ்ந்த அண்ணன் தம்பி, தங்கை அக்காக்கள் - என்பதை மறக்காமல், ஒரு பெற்றோருக்கு பிறந்த மலர்கள் தான் நாம்… என நினைவு மேலோங்க… மேலே வாசிக்க துவங்குவோம். அன்று நாம் கண்ட அன்பை இன்று தேடுதலோடு நினைவு கூர்வோம்.

1.   

பெற்றோர் சம்பாத்தியம் அவர்கள் பிள்ளைகளுக்கு சமமாய் பங்கிடுதல் தான் முறை. 

இதில் எந்த பாகுபாடும் சரியில்லை… ஆண் பெண், நல்லவன் கெட்டவன், வாழ்ந்தவன் வாழாதவன் ஒத்திருந்தவன் ஒத்து ஊதாதவன்… எனும் பேதம் கொள்ளாமல், சரி சமமாக பங்கிடுதல் மிக மிக ஆதாரமானது. (என் தங்கச்சி கஷ்டப்படுறா… என தங்கள் சொத்தை, கிப்ட் பண்ண ஒருவருக்கு உரிமை உண்டு, ஆனால், பிரிக்கும் போது, ஏற்ற தாழ்வு செய்யும் சாய்ஸ்… பெற்றோர்களுக்கு கிடையாது)

2.   சரிசமமாக பங்கிடும் - மிகப் பெரும் பொறுப்பு பெற்றோர்களுக்கானது. அது மிகப்பெரும் கடமை. பிற்காலத்தில், சொத்து குறித்து பிள்ளைகள் சண்டை செய்தால் அது பெற்றோர் செய்த தவறு… அவர்களுக்கே இழுக்கு. எனவே கவனமாக, பலதும் ஆராய்ந்து நேர்மையாக பொறுப்புணர்வோடு, பெற்றோர்கள் செயல்படுவது மிக மிக முக்கியமானது.

3.   சரி - சரிசமம் அத்தனை எளிதா.. இல்லை - கிடையாது. காலங்கள் மாறும் போது பிராக்டிக்கலாய் சமமாய் இருக்காது போகலாம். உதாரணம், இரு வீடுகள் இரு பிள்ளைகளுக்கு என பெற்றோர் சொல்லி விட்டார்கள். ஒரு வீடு, 4,39,415.95 இன்றைய மதிப்பு… இன்னொரு வீடு……….. அதே இலக்கங்கள் இருக்குமா… 4,39,416.05 ரூபாயாகி விட்டால்………… 

எனவே.. எவ்வளவு கண் கொத்தி பாம்பாக செயல்பட்டாலும்… சரிசமம் வருவதற்க்கான சாத்தியக் கூறுகள் குறைவு.

இப்படி சில சில்லறை பிரச்சனை வரும்… இதை சில்லறை பிரச்சனை என கொள்ளும் மனப்பக்குவம் வளர வேண்டும்.

4.   பெற்றோர்கள் தரும் சொத்தை…பிள்ளைகள் சந்தோஷமாக சுவீகரிக்க வேண்டும்… எனக்கு வேண்டாம்… அதுல இருந்து ஒரு பைசா வேண்டாம் என சொல்வது அலட்டல்… அதே போல், எல்லாம் எனக்கு வேண்டும் அல்லது, மேஜர் ஷேர் எனக்கு வேண்டும் என்பது அயோக்கியத்தனம்… 

அமைதியாய்… எப்படி பெற்றோரின் அன்பை பகிர்ந்து கொண்டோமோ அது போல செல்வத்தையும் அமைதியாக வாங்கி, மன நிறைவோடு, நம் பெற்றோரை நன்றியுடன் தலை வணங்கி நினைக்க வேண்டும்.

5.   ஒரு முக்கியமான பாயிண்ட் 

இது… இப்பிரச்சனையின் ஆணி வேரே இது தான்.. பிள்ளைகள், பெற்றோரின் சொத்தை… எதிர்பார்க்க கூடாது, எப்படி பாகம் பிரிக்கும் போது சமமாய் பிரிக்க மட்டுமே பெற்றோர்களுக்கு உரிமை என சொன்னோமோ அதுபோல், பிள்ளைகள் தனது தேவைகளை தன் ஆசைகளை, லட்சியங்களை - தன் சம்பாத்தியத்தில் பெற வேண்டும். அது தான் ஒருவருக்கு பெருமை.

 ஒரு பெற்றோர், தம் பிள்ளைக்குத் தரும், மிகப் பெரும் சொத்தே.. ஆரோக்கியமான உடல், அன்பான மனது, உயர்ந்த சமூக வாழ்வியல் படிப்பினைகள், வேல்யூ சிஸ்டம்… அவ்வளவே.. அவர்கள் தரும் பணம்… பொருட்டே அல்ல… பணம் எப்போது வேண்டுமானாலும், எவ்வளவு வேண்டுமானாலும்… நம்மாலேயே… சம்பாதிக்க முடியும்……. என்பதே நிதர்சனம்…. இந்த உண்மை புரியாமல் - காசை பெரிதென நினைப்பதும் - தன்னால் அவ்வளவு சம்பாதிக்க முடியாது எனும் நினைப்புமே சண்டைக்கு வழி உண்டாக்குகிறது.

ஒரு திரைப்பாடலில் சொல்வது போல…………. ’கொடுக்கிற நோக்கம் உறுதியாயிட்டா.. எடுக்கிற நோக்கம் வளராது………’ 

எனவே… பூர்வீக சொத்தை… ஒரு நாளும்…. கணக்கில் கொள்ளாமல், தன் காலில் நின்று.. தனக்கு தேவையானதை … தானே சம்பாதிக்கும் மனப் பக்குவமும்… திடமும்.. ஒவ்வொரு பிள்ளைக்கும் வளர வேண்டும்

6.   வரும் சொத்தில்.. கூடுதல் குறைதல் இருந்தால் என்ன செய்ய வேண்டும் என பார்ப்போம். கூடுதலாய் உங்களிடத்தில் குடும்பச் சொத்து வந்து விட்டால்.. உடன் பிறந்தோரை அழைத்து, அவர்களுக்கு உரியதை… முறையாக பங்கிட்டு கொடுத்து விடுதல் நலம்.

7.   
ஒரு வேளை.. உங்களுக்கு வர வேண்டியது வராமல்.. குறைவாக வந்தால்.. சிரித்த படி… சரி, நம்ம உடன் பிறந்தது… ஆண்டு அனுபவிக்கட்டும்… என விட்டுக் கொடுப்பது.. உத்தமம்..
எக்காரணம் கொண்டும் - சண்டை செய்வதோ அல்லது நீதிமன்றம் நாடுவதோ - அல்லது மூன்றாம் பேர் உதவி நாடுவதோ வெட்கக் கேடு.

 ஏனெனில்… குடும்பத்தில்.. தோல்வி என்பதில்லை… மனம் முழுக்க…. மகிழ்வுடன்… அந்த உடன் பிறந்தோரை.. ஆசிர்வதித்து… வைத்து கொள்.. நன்றாக இரு.. என ஆசிர்வதிக்கும் மனம் இருக்க வேண்டும்…. சம்பாதித்த பெற்றோர் - அதை விட்டு விட்டுத்தானே சென்றார்கள், எனும் தெளிவு இருந்தால்- இதனால் நமக்கு என்ன யூஸ்... என்ற கேள்வி பிறக்கும்...

இறுதியாக கேட்டுக் கொள்ளுங்கள்….

ஊரில் இருக்குது படியும் தராசும்..

ஆம், 5 அடி பூமிக்காக, நிதிமன்றம் போய், ஜெயித்து கொண்டு வந்தவனை ஊர் என்ன சொல்லும்… வீரன் எனச் சொல்லாது… ஆஹா.. இவனல்லவோ வெற்றி வீரன் என ஒரு நாளும் சொல்லாது…. ஏனெனில்.. ஒரு குடும்பத்தின் அண்ணன் தங்கைக்கிடையே.. ஊர் எந்த காலமும் உள்ளே கால் வைக்காது…

அதே நேரத்தில்… மற்றதை நினைத்து பாருங்கள்…… ” நமக்குள்ள எதுக்கு தகராறு... என்ன 5 அடி தான…  வைச்சுக்கப்பா… இதுல என்ன இருக்கு” என சொல்பவனை ஊர் கொண்டாடும்.. 

தனது சொத்தை கொடுத்து விட்டு வருபவனை... இந்த உலகம்... தோத்தாங்கொளி தோல் புடுங்கி என சொல்லும்… என்ற நினைப்புதான் நம்மில் நிறைய பேரை சண்டை செய்ய வைக்கிறது... இல்லை… நிச்சயம் இல்லை.… ஊர் அவனை பாசக்காரன் என சொல்லும், பரந்த மனசுக்காரன் என சொல்லும்.

என்ன இருந்தாலும்… அவனோட பரந்த மனசு யாருக்கு வரும்.. என புகழ்மாலை சூட்டும்….…ஒரு கோடி ரூபாய்க்காக… பங்காளி கழுத்த அறுப்பதை வீரம் எனவோ.. சூரர் எனவோ….. ஊர் சொல்லாது, அறிவில்லாதவன்.. முட்டாள், பயங்கரமானவன்.. அவனிடம் நெருங்காதே என நினைக்கும்…

ஒரு வேளை நேரடியாய் இதை அவனிடத்தில் சொல்லாது… முகத்திற்கு முன்னே… சூப்பர்… பிரமாதமாய் வெட்டி… நீதான் உங்க அப்பனுக்கு மவன்னு நிறுபிச்சுட்ட என சொல்லும்.. ஆனால், தன் கருத்தை மூடி மறைத்து கொள்ளும்… 
சொம்பு வெட்டி - தன் பங்கை நிறுபிப்பதை விட முக்கியம் - அந்த சொம்பில் தண்ணீர் வாங்கி குடித்து தாகம் தீர்ப்பதே... 

எதிர்… எதிரி…

ஒரு எளிமையான விடயத்தை தொட விரும்புகிறேன்… உங்களுக்கு உபயோகமாக இருந்ததா.. என விவாதிக்க தொடர்பில் இருங்கள்…

சரி……….ஒரு கேள்வி….

இந்த உலகில் … எல்லோருக்கும் ஒரே கருத்து எதிலாவது உள்ளதா??????

நம் விருப்பு வெருப்புக்களை சொல்கிறேன்……

ம்… அத்தனை மனிதருக்கும் பிடித்த… ஒரு உணவு இருக்கிறதா.. ஒரு செயல் இருக்கிறதா… ஒரு மனிதர் இருக்கிறாரா…. ஒரு இடம் இருக்கிறதா…

ம்… இல்லை…..

அப்படியானால்…

எதிர்… என்பதை தவிர்க்க முடியாது…. அது இயற்கை… அவருக்கு இட்லி… இவருக்கு தோசை.. அதே மாவு… அதே சட்னி.. அவிப்பதும், சுடுவதும் என வேறுபாடு மட்டுமே… ஆனாலும்… ஒருவருக்கு பிடிப்பது இட்லி, 

இன்னொருவருக்கு தோசை…. அது மட்டுமா… இட்லிக்கு சட்னி இல்லை சாம்பார்… இப்படி தொடங்கி, எதிர் என்பது எங்கும் இருக்கிறது…

அதாவது எதிர்…. நம் விருப்பத்தில், நம் தீர்மானத்தில், நம் சிந்தனையில்… இப்படி எங்கும் எதிலும் இருக்கும்….

எதிர் என்பது எங்குமிருக்கும்…… வீட்டில், வெளியில் அலுவலகத்தில்… கணவன் மனைவிக்கிடையில், உறவுக்களிடையில், அண்ணன் தம்பி, நட்பு.. இப்படி எல்லா இடத்திலும்…  நிறைந்து இருக்கும்.. இதனால் பாதகமில்லை… ஆனால், எதிர்.. எதிரி என ஆகும் போது விவகாரம் ஆகி விடுகிறது..

மிக நுணுக்கமான விஷயம் இது.  எதிர் ஒக்கே.. எதிரி தான் டேஞ்சர் எனும் போது… எது எதிர்……………………ர்ரிரியை ஆக்குகிறது என தெரிந்து கொள்வோமா….

அப்படி ஒரு விவாகாரமான ஒரு விஷத்தை.. அல்லது விஷயத்தை என்ன என தெரிந்து கொண்டால் நல்லதல்லவா… ,ம்… அந்த ஒரு சிறு துரும்பை புரிந்து கொண்டு, அதை தங்களுக்கு தோதான விஷயத்தில் பயன்படுத்தி கொள்ளுங்கள்.. ம்… இந்த எதிர்……………………ர்ரிரியை எடுத்தெறிந்து தங்கள் வாழ்வை பூக்களமாக்குங்கள் எனும் வேண்டுகோள் தான் இப்பதிவு…

எதிர் எப்போது எதிரி ஆகும்.. ஒரு மெல்லிய கோடு.. அதை கடக்கும் போது எதிர் எதிரியாகி விடும்…

இக்கேள்விக்கு விடை காண… இது என்னவாக இருக்கும்… என நான் முயன்று கொண்டிருந்த போது… அவரை பார்த்தேன்… யார்…

அவர்தாங்க… நம்ம… எதுத்தாத்து ஏகாம்பரத்தை பார்த்தேன்.. அவரிடம் கேட்டேன்..

சார்.. எதிர் எப்போ எதிரி ஆகும் என.. அவர்… ஈ… என … பல் அத்தனையையும் காட்டினார்… எனக்கு பட்டென பொறி தட்டியது… நான் குஷியானேன்… உடனே.. கைய கொடுங்க சார்… கரெக்ட்டான ஆன்சர் சொன்னீங்க என்றேன்.. அவர் நே… என பார்த்தார்…

பகைமை எனும் உணர்வு வந்தமரும் போது.. பகைமை பல்லை காட்டும் போது.. இந்த எதிர் என்பது எதிரியாகி விடுகிறது…

இதை எளிமையாகவும் தெளிவாகவும் இனி மேலெடுத்து செல்ல, இரு ஆளுமைகளை பார்ப்போம்.

நாம் அனைவரும் அறிந்த இரு ஆளுமைகள்… காந்தி.. நேரு….

இவர்கள் இருவருமே.. அரசியல் அல்லது பொது வாழ்க்கை சம்பந்தப்பட்டவர்கள். வரலாற்று ஆளுமைகளில், இன்றும் இந்தியர்களால் மதிக்கப்படும் இரு ஆளுமைகள்…. இருவரும் இணைந்து பணியாற்றினர். இருவருக்கும் ஒரே தளம்… இலக்கு… இல்லையா..

தேச நலன்.. நாட்டுப் பற்று.. மனித நலம்.. மேம்பாடு இப்படி…

ஆனா… காந்தி………….. நேரு…………………. இரண்டும் இரு துருவங்கள்… ஒரு சில பரிமாணத்தில் இல்லையா…………….

சட்டையை கழற்றி போட்டுட்டு… இடுப்புல ஒரு கதர்… போதும் என்பவர் ஒருவர்… நீண்ட வெண்மையான ஷெர்வானி போட்டு, அன்றலர்ந்த ரோசாவை பட்டன் ஹோலில் செருகு என்பார் மற்றொருவர்… … 

அவருக்கு அது.. இவருக்கு இது…

சரி உங்களுக்கு எது…

உலகில் ஒரே அச்சா… எல்லோருக்கும்.. இல்லை.. இல்லை.. இல்லவே இல்லை..

எல்லோரும் காந்தியாக முடியுமா.. இல்லை எல்லோரும் நேருவாக வேண்டுமா.. கிடையாது, அவசியம் இல்லை… உலகம் என்பது, காந்தியையும் கொண்டிருக்கும், நேருவையும் கொண்டிருக்கும்… எனவே கவலையே இல்லை…

சரி, காந்தியையும், நேருவையும் அவர்கள் உடைகளை கொண்டா எடைபோடுகிறோம்… ம்… சிந்தனையை கொண்டா எடை போடுகிறோம்… காந்தியிடம் எதிர்பார்க்கும் அதே குணங்களையா நேருவில் தேடுகிறீர்கள்… 

இல்லையே… மாமா மாமா தான்.. தாத்தா தாத்தா தான்…

இதைத்தான் எதிர் என்பது இயல்பு என சொல்லுகிறேன்…

சரி, மாமா, என்றைக்காவது, தாத்தாவுக்கு ஷெர்வானி ப்ரசண்ட் பண்ணியிருப்பாரா… அல்லது காந்தி பக்கத்துல போய் உக்கார்ந்துகிட்டு, ஹலோ…இதை கேளுங்களேன்… அரை ட்ரவுசர் போட்டுகிட்டு, ஸ்விம்பிங் பூல்ல.. நீந்தி குளிச்சுட்டு, நச்சுன்னு ஒரு கப்புல கல்புல ஒயின் குடிச்சுட்டு… ஜம்முன்னு ஃப்பே…. சாப்பிட்டு விட்டு, அந்த குட்டை பாவாடை போட்டிருப்பாளே… ஜா…… பேசிக்கிட்டிருந்தா.. ஆஹா.. ஆஹா…அஹ்ஹா.. உலகம் என்ன சொர்க்கம் என பேசியிருப்பாரா…

பேசியிருந்தாலும்… உடனே.. காந்தி… சரி.. நாளைக்கு காலையில ஏந்திரிச்சு.. பல்விளக்கிட்டு உன் வீட்டுக்கு வந்துர்றேன்.. நீ சொன்னத செஞ்சுரலாம் என செய்திருப்பாரா….

அல்லது, காந்தி போய், ஆட்டிக்குட்டி, ஆட்டுக்குட்டி இல்ல அது புழுக்க போட்டுதே… அதை எடுத்திட்டு போய், அவரைக்காய் செடியில போட்டேனே… அது என்ன வித்தியாசம் வந்துச்சு தெரியுமா.. அப்பூறம்… ராட்டு நூக்கும் போது, 28 வது நிமிசத்தில… மனம் ஒரு தாள லயத்துல இயங்க தொடங்குச்சு… அப்படியே உடம்புன்னு இல்லாம.. பிரி… பிரியா… நூல் போகுதுப்பா என சிலாகித்திருப்பாரா…. அல்லது… நேத்து.. நைட்டு.. உடல் ஆராய்ச்சியில…. உடம்புல… கம்பளி பூச்சு ஊர்ற மாதிரி விரல் வைச்சு தேய்க்க சொன்னப்போ… ஒண்ணுமே ஆகலப்பா… அப்படியே… கட்டையா உடம்பு கிடந்துச்சு….

என காந்தி பேசியிருப்பாரா…..

இருந்திருக்காது… நிச்சயம் இருந்திருக்காது…

மறுபடியும் சொல்கிறேன்…

காந்தி காந்தி தான்… நேரு நேரு தான்..

இதில் சரி எனவோ.. தவறெனவோ எதுவும் இல்லை… எல்லாரும் காந்தி மாதிரி ஆகுங்க என்றால் அது தவறு.. அல்லது எல்லாரும் நேரு மாதிரி ஆகுங்க என சொல்வதும் தவறு…

எதிர் எதிர் மன விருப்பம் கொண்டிருந்தாலும்… நட்பில் இணக்கமாக இருந்தார்கள்… இருவரும் அருகில் உட்கார்ந்து கொண்டார்கள்… இந்தியா பற்றி கவலைப் பட்டார்கள்.. என்ன செய்வது என யோசித்தார்கள்… விவாதித்தார்கள்.. தட்ஸ் ஆல்….

நண்பர்களே.. இது தான் சூட்சமம்..

உங்களுக்கு எது சரியோ.. அது சரியானதே…

அடுத்தவருக்கு எது சரியோ… அது அவருக்கு சரியானதே…

ஷெர்வானியிலும் தவறில்லை.. சட்டை போடாத அரை நிர்வாணத்திலும் தவறில்லை…  நேரு போய்.. நேருக்கு நேராய் நின்று… காந்தியை பார்த்து… 

ம்.. இங்க பாரு… என ஷெர்வானியை கையில் திணித்து… கடலை உருண்டையை வாங்கி கீழே போடாத வரை தவறே இல்லை… அல்லது காந்தி போய், ஷெர்வானியை கிழித்து… சட்டை போடாம இருந்து பார், எப்படி சுகமாக இருக்குது என சொல்லும் வரை பிரச்சனையில்லை..

தான் செய்வது சரி…………… என நினைக்க வேண்டியது அவசியம்… ஆனால் தான் நினைப்பது மட்டுமே சரி … அடுத்தவனுக்கு ஒண்ணும் தெரியாது என நினைக்கும் போது… 

நான்… நான் தான் கரெக்ட்டு.. 

நீ வேஸ்ட் என மட்டம் தட்ட முயலும் போது தான்…. பகைமை மனதில் குடியேறுகிறது… 

நாம் நாமாயிருக்க… அடுத்தவரை அவர் நிலையில் மதிக்க… அறிந்திருக்கும் வரை குழப்பமில்லை…

எதிர் இருக்கும்……….. எதிரி இருக்காது…………